“Толибон” ИШИД ячейкасини йўқ қилди
Олам
−
23 Март 2023 6795
Афғонистонда “Толибон” муваққат ҳукумати томонидан тузилган хавфсизлик кучлари ИШИД террорчилик гуруҳининг ячейкасини йўқ қилди. Бу ҳақда кеча, 22 март куни “Толибон” ҳукумати вакили Забиҳуллоҳ Мужоҳид Twitter'да маълум қилди.
Унинг сўзларига кўра, 22 мартга ўтар кечаси Қобулнинг 12-мавзесида ўтказилган операция давомида ИШИДнинг учта муҳим аъзоси йўқ қилинган. Бундан ташқари, “Толибон” жангарилардан қурол-яроғ, қўл гранаталари, портловчи моддалар, шунингдек, портловчи мосламалар ясаш учун материалларни тортиб олган. Операция давомида “Толибон” хавфсизлик кучлари ва тинч аҳоли вакиллари жабрланмаган.
Афғонистон расмийларига кўра, террорчилар бу бошпанадан Қобулда терактлар уюштириш учун фойдаланган. Улар муборак Рамазон ойида муқаддас жойлар ва тинч аҳолига зарба беришни ҳам мақсад қилган.
Сўнгги ойларда Афғонистоннинг бир қанча вилоятларида, жумладан, пойтахт минтақасида ҳам Толибон тарафдорлари, ҳам тинч аҳоли ҳалок бўлган қатор портлашлар, қуролли ҳужумлар ва отишмалар рўй берди. Хуросондаги ИШИД бу воқеаларнинг аксарияти учун жавобгарликни ўз зиммасига олган.
Live
Барчаси
