Токио губернатори Юрико Коикэнинг айтишича, Япония пойтахтидаги Олимпия қишлоғидан коронавирусга чалинган беморлар учун шифохона сифатида фойдаланилади. Бу ҳақда AP нашри хабар бермоқда.
Шаҳар ҳокими, шунингдек, беморларни жойлаштириш учун Токио ҳукумати томонидан меҳмонхона сотиб олиш мумкинлигини таъкидлади.
Олимпиада ўйинлари коронавирус пандемияси сабаб 2020 йилдан 2021 йилга қолдирилди. Шу сабаб 11 000 нафар олимпиячи ва 4 400 паралипиячи ҳамда ходимларга мўлжалланган қишлоқ кейинги йилнинг июль ойигача бўш қоладиган бўлди.
Сўнгги маълумотларга кўра, Японияда коронавирусга 2 617 нафар одам чалинди. 472 бемор шифо топган бўлса, 63 киши вафот этди.
