ТИВ 6 нафар ўзбекистонлик Москва вилоятидаги ёнғинда қурбон бўлганини тасдиқлади

Жамият 4255
image

Аввалроқ, Россиянинг Москва вилоятида юз берган ёнғинда 6 нафар Ўзбекистон фуқароси ҳалок бўлгани ҳақида хабар берган эдик. Ўзбекистон Ташқи ишлар вазирлиги мазкур ёнғин бўйича маълумот берди.

Ўзбекистоннинг Россиядаги элчихонаси жорий йилнинг 5 май куни Москва вилоятининг Раменский туманидаги шахсий турар-жойда ёнғин оқибатида 6 нафар ўзбекистонлик қурбон бўлганини тасдиқлаган.

Ҳозирда Россиянинг ваколатли органлари томонидан тергов ишлари олиб борилмоқда.

Ушбу ҳолат Ўзбекистоннинг Москва шаҳридаги элчихонасининг Консуллик бўлими назоратига олинган.

ТИВ Консуллик-ҳуқуқий департаменти ҳалок бўлганларнинг оила-аъзолари ва яқинларига ҳамдардлик изҳор этиб, Россиядаги фуқаролар зарур ҳолларда Ўзбекистон Элчихонасига ( тел.:+ 7-499 230-00-76, + 7-499-238-36-20) ҳамда Ўзбекистон Республикаси Бандлик ва меҳнат муносабатлари вазирлиги ҳузуридаги Ташқи меҳнат миграцияси агентлигининг Москва шаҳридаги ваколатхонасига (тел.: +7-925-045-47-44) мурожаат қилишлари мумкинлигини эслатди.

Суннатилла Абдуллаев
Мақолага баҳо беринг
Баҳолаганлар: 120
Рейтинг: 3
t
×