Журналистлар трендда! Тинчлик бўйича Нобель журналистларга берилди
Олам
−
08 Октябрь 2021 4537
2021 йилги тинчлик бўйича Нобель мукофоти “Новая газета” бош муҳаррири Дмитрий Муратов ва филиппинлик журналист Мария Рессага топширилди.
Қўмита уларнинг “демократия ва мустаҳкам тинчлик учун зарур шарт бўлган сўз эркинлигини ҳимоя қилиш йўлидаги ҳаракатлари”ни эътироф этган.
Дмитрий Муратов Нобель мукофотига лойиқ кўрилган учинчи россиялик бўлди. Бунгача Андрей Сахаров ва СССРнинг биринчи Президенти Михаил Горбачёв ҳам бу мукофотга сазовор бўлганди.
Ғолибни эълон қилиш маросими Ослодаги Норвегия Нобель институтида ўтказилди. Рўйхатда 329 номзод: 234 одам ва 95 та ташкилот бор эди.
Маълумот ўрнида, жорий йилнинг 11 октябрь куни Иқтисодиёт бўйича мукофот эгаси маълум бўлади. Шу билан барча Лауреатлар аниқ бўлади.
Live
Барчаси
