Тейлор Свифт америкалик футболчига турмушга чиқди (видео)

Америкалик машҳур қўшиқчи ва актриса Тейлор Свифт футболчи Трэвис Келсига турмушга чиқди. Расмий тўй маросими кеча, 3 июль куни АҚШнинг Нью-Йорк шаҳридаги Madison Square Garden мажмуасида бўлиб ўтди. Маросимни таниқли комик ва актёр Адам Сэндлер олиб борди. Бу ҳақда “Reuters” хабар берди.

Жуфтлик 2025 йил август ойида унаштирилганини расман эълон қилган эди. Уларнинг муносабатлари эса 2023 йилда бошланган. Ўшанда Трэвис Келси Тайлор Свифтнинг концертларидан бирида саҳна ортида у билан учрашишга уринган, бироқ бунга эриша олмаган. Кейинчалик у, бу воқеани ўз подкастида сўзлаб берган ва айнан шу орқали хонанданинг эътиборини қозонган.

Тейлор Свифтнинг узоқ йиллик пиар вакилининг маълум қилишича, жуфтлик тўй маросимида анъанавий “келин дугона” ва “куёв жўра” бўлишини истамаган. Уларнинг ўрнига Тейлорнинг акаси Аустин Свифт, Травис Келсенинг акаси, таниқли футболл юлдузи Жасон Келсе шу вазифани бажарган.

Тўй маросими ўтказилган Madison Square Garden мажмуасининг ташқи экранларида “JUST&T MARRIED!” (“Янги турмуш қурганлар”) деган ёзув намойиш этилган.

Тейлор Свифт махсус тикилган Christian Dior Haute Couture либосини, Трэвис Келси эса Dior костюмини кийган. Хонанда, шунингдек, Cartier заргарлик буюмларини таққан. Тўй маросимидан ҳозирча ҳеч қандай фотосуратлар эълон қилинмаган.

Қайд этилишича, Тейлор Свифт тўйидан аввал АҚШ бўйлаб фаолият юритувчи хайрия ташкилотларига 26 миллион доллар хайрия қилган. Маблағ 20 та ташкилот ўртасида тақсимланган бўлиб, улар орасида болалар шифохоналари, озиқ-овқат банклари, таълим дастурлари ҳамда ижтимоий лойиҳаларни қўллаб-қувватловчи муассасалар бор. Шунингдек, Нашвилле, Канзас-Сити ва Нью Йорк каби жуфтлик ҳаёти билан боғлиқ шаҳарлардаги хайрия ташкилотлари ҳам ушбу рўйхатдан ўрин олган.