Tарихдаги энг кучли футболчилар аниқланди

Аргентина терма жамоаси ва Франциянинг ПСЖ клубининг ҳужумчиси Лионель Месси футбол тарихидаги энг кучли футболчи деб топилди. Бу ҳақда “FourFourTwo” нашри ёзмоқда. 

Иккинчи ўринга Мессининг ҳамюрти Диего Марадона жойлашган. Мародана Италиянинг “Наполи” клубининг афсонаси ҳисобланади. Унинг етакчилигидаги Аргентина терма жамоаси Мексика мезбонлик қилган 1986 йилги Жаҳон чемпионатида зафар қучган.

“Манчестер Юнайтед”, “Реал Мадрид” каби клубларнинг афсонаси Криштиану Роналду кучли учликка якун ясаб берган.

Футбол қироли Пелега эса 4-ўрин насиб қилган. Пеле Бразилия билан биргаликда уч карра Жаҳон чемпиони унвонини қўлга киритган.

“FourFourTwo” талқинига кўра футбол тарихидаги энг кучли 10 нафар футболчи билан танишинг:

1. Лионель Месси (“Барселона”, ПСЖ, Аргентина);

2. Диего Марадона (“Барселона“, “Наполи”, Аргентина);

3. Криштиану Роналду (“Манчестер Юнайтед”, “Реал Мадрид”, “Ювентус”, Португалия);

4. Пеле (“Сантос”, Бразилия);

5. Зинедин Зидан (“Ювентус”, “Реал Мадрид”, Франция);

6. Йохан Кройфф (“Аякс”, “Барселона”, Нидерландия);

7. Жорж Бест (“Манчестер Юнайтед”, Шимолий Ирландия);

8. Франц Беккенбауэр (“Бавария”, Германия);

9. Ференц Пушкаш (“Реал Мадрид”, Венгрия);

10. Роналдо (“Барселона”, “Интер”, “Реал Мадрид”, Бразилия).

Аввалроқ, дунёнинг энг сердаромад футболчилари кимлиги тўғрисида хабар берган эдик.