Тарихда илк бор ЖЧ матбуот анжумани учун билетлар сотилади
Спорт
−
18 июл 837 1 дақиқа
Халқаро футбол федерацияси (FIFA) тарихда илк бор Жаҳон чемпионати финалидан олдин ўтказиладиган матбуот анжуманига чипталарни сотувга чиқаради. Бу ҳақда “Mirror” нашри хабар берди.
Манбага кўра, чипталар катталар учун 80 доллар, болалар учун эса 35 доллар этиб белгиланган. Тадбирда бош мураббийлар ва жамоа сардорларидан ташқари, FIFA президенти Жанни Инфантино ҳам иштирок этиши кутилмоқда. Шу вақтгача бундай матбуот анжуманлари фақат аккредитациядан ўтган журналистлар учун очиқ эди.
Жаҳон чемпионати финалида Аргентина ва Испания терма жамоалари ўзаро тўқнаш келади. Учрашув жорий йилнинг 19 июль куни АҚШнинг Нью-Жерси штати, Шарқий Резерфорд шаҳрида бўлиб ўтади. Баҳс Тошкент вақти билан соат 23:55 да бошланади.
Эслатиб ўтамиз, аввалроқ FIFA 2026 йилги Жаҳон чемпионати финали бўлиб ўтадиган Нью-Йоркдаги стадион майсасининг бир қисмини сотувга чиқариши ҳақида хабар берилганди.
Live
Барчаси
