Тахиатош ИЭСдаги носозлик бўйича вазирлик маълумот берди

Бугун, 19 июль куни Энергетика вазирлиги Тахиатош ИЭС АЖда содир бўлган технологик нуқсонлар тўғрисида маълумот берди.

Маълум қилинишича, жорий йилнинг18 июль куни соат 10:43 да Тахиатош ИЭС АЖнинг 8-энергоблоки технологик ҳимоя тизими ишлаши натижасида ўчган. Орадан 12 сония ўтгандан сўнг, 7-энергоблок ва 1-турбоагрегат хам технологик ҳимоя тизими ишдан чиқиши натижасида ўчган.

Натижада юкланиш ошиб кетиши ҳамда линияларнинг технологик ҳимоя тизимининг селектив ишламаганлиги оқибатида 7-блок ва 1-турбоагрегатни ҳимоя тизимини ишлашдан тўхтаган.

“3-турбоагрегат 72 мегаватт кувват билан ишлаб турди. Соат 10:59 да ўтганда 1-турбоагрегат қайта ишга туширилди.

Соат 15:15 да 7-блок ҳамда 23-, 15-, 8-блок ишга туширилди. Авария ҳолати содир бўлгани йук. Бу холатни технологик ўчиш деб бахолаш мумкин. Соат 24:00 да станциянинг иш режими  тўлиқ тикланди. Қисқа муддатли узилишлар учун истеъмолчилардан узр сўраймиз”, дейилади вазирлик маълумотида.