Таиландда рухсат этилганидан 6 кун кўп қолган ўзбекистонлик қўлга олинди
3-саҳифа
−
31 Январь 5539
Таиландда рухсат этилган муддатдан олти кун узоқроқ қолган 21 ёшли ўзбекистонлик қўлга олинди. Бу ҳақда Пукет шаҳри аэропорти иммиграция назорат пункти хабар берди.
Қайд этилишича, жорий йилнинг 29 январь куни соат тахминан 10:30 да Пукет аэропорти иммиграция хизмати тергов бўлими полиция билан ҳамкорликда Ўзбекистон фуқаросини мамлакатда қолиш тартибини бузгани учун қўлга олган. 21 ёшли йигит Таиланд иммиграция қонунларини бузиб, унинг мамлакатда қолиши рухсат этилган муддатдан 6 кунга ошиб кетган.
Ушбу шахс қўшимча тергов ўтказиш ва қонун бўйича жавобгарликка тортиш учун Саку полиция бўлимига топширилган.
Эслатиб ўтамиз, 2024 йилнинг октябрь ойида Таиландда ўзбекистонлик аёлларни фоҳишалик учун сотишда гумонланган “Гуми хоним” қўлга олинганди.
Live
Барчаси