Сурхондарёда спиртли ичимликлар дўкони ёниб кетди
3-саҳифа
−
20 Июнь 2023 7375
Сурхондарё вилояти Узун туманида алкоголь маҳсулотлари сотиладиган дўконда ёнғин чиқди. Бу ҳақда Фавқулодда вазиятлар вазирлиги Матбуот хизмати хабар берди.
Келтирилишича, воқеа бугун, 20 июнь куни Узун тумани “Янгишаҳар” маҳалласи Мустақиллик кўчасида жойлашган озиқ-овқат дўконида ёнғин содир бўлган. Соат 06:26 да вилоят фавқулодда вазиятлар бошқармасига хабар келиб тушган.
Чақирувга кўра, 2 та ёнғин-қутқарув экипажи соат 06:31 да воқеа жойига етиб бориб, ёнғин соат 06:33 да ўраб олинган ва соат 06:47 да ўчирилган.
Ёнғин оқибатида дўконнинг 12 квадрат метр майдонида шифт қисми ёниб зарарланган.
Ҳеч ким тан жароҳати олмагани ва ҳалок бўлмагани айтилмоқда.
