Сурхондарёда Афғонистон фуқаролари ҳайдовчиликка ўқитилди
Жамият
−
30 Январь 2023 4072
Сурхондарёда “Ватанпарвар” ташкилоти автомактабида 46 нафар афғонистонлик фуқаро “Б” тоифаси бўйича ўқитилди. Бу ҳақда ташкилот сайтида маълум қилинди.
Қайд этилишича, Европа Иттифоқи ва БМТ Тараққиёт дастурининг қўшма лойиҳаси асосида ўқиган хорижликларга ҳайдовчилик гувоҳномаларини топшириш маросими бўлиб ўтган. Ушбу тадбирда Европа Иттифоқининг Ўзбекистондаги элчиси Шарлотта Адриан ҳам иштирок этиб, ўзбекистонлик мутасаддиларга келгусида афғонистонлик аёлларни ҳамширалик иши бўйича ўқитиш таклифини билдирган.
“Юқоридаги лойиҳа асосида Термиз шаҳрида ташкил этилган Афғонистон фуқароларини ўқитиш таълим марказида яна 35 нафар афғонистонлик тикувчилик касбига тайёрланди”, дейилади хабарда.
Live
Барчаси