Сурхон қўриқхонасида ноёб ҳайвонлар “фотоқопқон”га тушди
Жамият
−
09 Июнь 2021 12736
Сурхон давлат қўриқхонасида ўрнатилган “фотоқопқон” бир нечта ёввойи ҳайвонларни камера объектига муҳрлади. Ушбу суратларда каклик, морхўр ва улоқчаларни кўриш мумкин. Бу ҳақда Сурхондарё вилояти Экология ва атроф-муҳитни муҳофаза қилиш бошқармаси хабар берди.
Қайд этилишича, морхўр бутунлай йўқ бўлиб кетиш арафасида турган кенжа тур ҳисобланади. “Қизил китоб”га киритилган. Кўҳитанг, Бойсунтоғ, Боботоғ тоғ тизмаларида тарқалган. 1950–1970 йилларда кескин камайиб кетган. Кейинчалик Сурхон қўриқхонасида олиб борилган муҳофаза чоралари туфайли ушбу турнинг сони аста-секин кўпайиб бормоқда.
Сурхон давлат қўриқхонаси ходимлари томонидан ўтган йилги ўтказилган саноқда 565 та жорий йилнинг май ойида ўтказилган саноқ натижасида 600 тадан ошиб кетганлиги аниқланган.
Live
Барчаси
