Сурияда зилзила оқибатида қурбон бўлганлар 3 мингдан ошди

Эпимаркази Туркия жануби-шарқидаги Қаҳрамонмараш вилоятида содир бўлган икки кучли зилзила оқибатида Суриянинг 3162 аҳолиси ҳалок бўлди, 5235 киши жароҳат олди. 

Идлиб, Ҳалаб, Ҳама, Латакия ва Тартусда қидирув-қутқарув ишлари 6 февралдан бери давом этмоқда. 

Башар ал-Асад режими назорати остидаги SANA агентлиги маълумотларига кўра, Ҳалаб, Латакия, Ҳама ва Тартусдаги табиий офат қурбонлари сони 1262 кишига етган, 2835 нафари жароҳатланган.  катта вайронагарчилик ҳақида хабар берилган. 

Шу билан бирга, Идлиб деэскалация зонасида, шунингдек, Туркиянинг Фурот қалқони ва Зайтун новдаси аксилтеррор амалиётлари зоналарида камида 1900 киши ҳалок бўлган, 2950 суриялик яраланди. Мухолифатдаги Сурия миллий армияси жангчилари Асад режими назорати остида бўлмаган ҳудудларда қутқарув операцияларида иштирок этмоқда. 

Зилзилаларда уйлари вайрон бўлган ёки қулаган аҳоли кўчаларда ёки чодирларда жон сақламоқда. 

Сурия шимолидаги нодавлат ташкилотлар шошилинч ёрдам сўраб мурожаат қилди. 

6 февраль куни Туркиянинг жануби-шарқида (маҳаллий вақт билан 04:17 да – 7,7 балл ва 13:24 да – 7,6 балл) магнитудаси етти баллдан ортиқ бўлган иккита зилзила содир бўлди. 

Туркия жануби-шарқида содир бўлган даҳшатли зилзила қурбонлари сони 12,8 минг кишидан ошди. 

Президент Ражаб Тойиб Эрдўған Туркияда табиий офат қурбонлари муносабати билан етти кунлик миллий мотам эълон қилди. Туркия давлат байроқлари бутун мамлакат бўйлаб яримга туширилди. 

Вайронкор зилзила қўшни давлатлар, жумладан, Сурия, Ливан, Шимолий Кипр Турк Республикаси, Греция Кипр ва Ироқда ҳам сезилди.