Сурияда бензовоз портлаши оқибатида 40 киши ҳалок бўлди

Кеча, 28 апрель куни Сурия шимолидаги Африн шаҳрида юз берган портлаш натижасида камида 40 киши, жумладан 11 нафар бола ҳалок бўлди. Бу ҳақда “Reuters” Туркия Мудофаа вазирлигига таяниб, хабар тарқатди.

Туркия мудофаа ташкилоти бу ҳужумда курдларнинг YPG қуролли тузилмасини айбдор деб эълон қилган.

Eli kanlı terör örgütü PKK/YPG’nin, Afrin’de masum sivillere yönelik düzenlediği bombalı araç saldırısında hayatını kaybedenlerin sayısı 11’i çocuk olmak üzere 40’a, yaralıların sayısı ise 47’ye yükseldi. pic.twitter.com/AIVwHQ2IzT

— T.C. Millî Savunma Bakanlığı (@tcsavunma) April 28, 2020

Портлаш Африн марказидаги одам гавжум туманда юз берган. Вазирлик эълон қилган видеода ҳаводаги қора тутун ҳамда тез тиббий ёрдам ва полиция машиналари овозини эшитиш мумкин.

Ёнилғи ташувчи автомобиль иштирокида уюштирилган портлашда камида 47 киши жабрланган. Портлаш юз берган кўчадаги кўплаб бинолар зарар кўрган.

Маълумот учун, Туркия Суриянинг Африн шаҳри устидан 2018 йилдаги “Зайтун шохи” амалиёти давомида назорат ўрнатганди.