Суперкомпьютер АПЛ клубларининг чемпионлик имкониятини эълон қилди

28-тур натижаларига кўра “Ливерпуль” клубининг Англия Премьер-лигаси 2024/2025 йилги мавсумда чемпион бўлиш имконияти салкам 100 фоизни ташкил этади. Бу ҳақда “Opta” хабар берди.

Нашр суперкомпютерга кўра, олтин медалларга асосий даъвогар “Ливерпуль”. “Қизиллар”нинг чемпионликни қўлга киритиш имконияти 99,5 фоизга баҳоланмоқда. Иккинчи даъвогар Лондоннинг “Арсенал” жамоаси ҳисобланади. “Манчестер Сити” кучли учликка якун ясади ва портал маълумотларига кўра, уларнинг чемпионликни қўлга киритиш имконияти йўқ.

АПЛ клубларининг ғолиблик имконияти:

“Ливерпуль” – 99,5%;

“Арсенал” – 0,5%.

Ҳозирда “Ливерпуль” Англия Премьер-лигаси турнир жадвалида 70 очко билан 1-ўринда бормоқда. “Арсенал” 55 очко билан 2-ўринни банд этган. 51 очко билан “Ноттингем Форест” 3-поғонада бормоқда. 47 очко билан “Манчестер Сити” 5-ўринни эгаллаб турган бўлса, 48 очко билан “Челси” 4-ўринга жойлашган. Чемпионат якунланишига 8 та тур қолди.