Сунъий интеллект “Олтин тўп”нинг келгуси 10 нафар ғолибини эълон қилди

Келгуси ўн йиллик “Реал”нинг франциялик аъзоси Киллиан Мбаппе 2 марта “Олтин тўп” совринини қўлга киритади. Бу ҳақда сунъий интеллектга асосланган ChatGPT тахмин қилди.

ChatGPT'га кўра, жорий мавсум якунлари бўйича норвегиялик футболчи Эрлинг Холанд совринни қўлга киритади. 2026 ва 2028 йилларда эса Килиан Мбаппе “Олтин тўп”га эга чиқиши тахмин қилинмоқда. 2027 йил эса англиялик футболчи Жуд Беллингем йилнинг энг яхши футболчиси бўлиши кутиляпти.

Ҳозирги вақтда ўзининг феноменал ўйинлари билан барчани лол қолдираётган “Барселона”нинг ёш футболчиси Ламин Ямал эса 2033 йилга келибгина совринни қўлга киритиши тахмин қилинган. 2034 йилгача “Реал” футболчилари 4 марта, “Барселона” аъзолари эса 2 марта “Олтин тўп”га эга чиқиши айтилган.

Эслатиб ўтамиз, аввалроқ 2023/24 йилги мавсум якунлари бўйича “Олтин тўп” натижалари интернетга чиқариб юборилгани хабар қилинганди.