Спорт вазирига ўринбосар тайинланди

Авазжон Каримов Спорт вазири ўринбосари лавозимига тайинланди. Бу ҳақда Президентининг тегишли қарори имзоланди. 

Бунга қадар Авазжон Каримов Қудратиллаевич Спорт вазирининг маслаҳатчиси лавозимида фаолият юритаётган эди.

Маълумот учун, Авазжон Каримов 1983 йилнинг 19 майида Тошкент шаҳрида туғилган. Тошкент давлат иқтисодиёт университети ва Ўзбекистон давлат жисмоний тарбия институтини битирган.

Меҳнат фаолиятини 2006 йилда Ўзбекистон Карате Федерацияси раисининг ўринбосари сифатида бошлаган. 2007-2011 йилларда федерациянинг Тошкент бўлимига раҳбарлик қилган. 2011 йилдан эса Бадминтон федерацияси раисининг ўринбосари лавозимини эгаллаган.

2014-2015 йилларда қишки ва мураккаб техник спорт турлари бўйича Республика олий спорт маҳорати мактаби директорининг ўринбосари бўлиб, кейинчалик от спорти бўйича РШВСМ раҳбари бўлди.

2017-2019 йилларда Чирчиқ ихтисослаштирилган олимпия захиралари мактаб-интернатининг директори бўлган. 2019 йил сентябрь ойидан Республика олимпия захиралари коллежини бошқарган.