Собиқ телебошловчи Пит Ҳегсет Пентагон раҳбари этиб тайинланди
Олам
−
25 Январь 2430
Жанговар ҳаракатлар фахрийси ва "Fox News" телеканалининг собиқ бошловчиси Пит Ҳегсет АҚШ Мудофаа вазири этиб тайинланди. Бу ҳақда бугун, 25 январь куни эрталаб халқаро ахборот агентликлари хабар берди.
Ҳегсетнинг номзоди 2017 йил сентябрь ойида содир бўлган, унга қарши зўрлаш айбловлари туфайли баҳсли деб топилди. Ҳегсет ўз айбини рад этади.
DPA агентлигининг хабар беришича, АҚШ Сенатида Ҳегсет номзоди бўйича берилган овозлар "маъқул" ва "қарши" овозлар ўртасида тенг тақсимланган. Бундай вазиятда ҳал қилувчи овоз АҚШ вице-президенти Жеймс Дэвид Вэнс эди.
"Пит қаттиққўл, ақлли ва ҳақиқий "Америка Биринчи" принципи тарафдори. АҚШ армияси яна зўр бўлади ва Америка ҳеч қачон ортга чекинмайди", деди АҚШ Президенти Дональд Трамп.
Пит Ҳегсет Гуантанамо қамоқхонасида АҚШ ҳарбийларида хизмат қилган ва Афғонистон ва Ироқдаги кампаниялар фахрийси ҳисобланади.
Live
Барчаси
