Смартфон қуввати узоқ вақт етиши учун нима қилса бўлади? 3 муҳим қоида

Карантин жорий этилгач ва барчани уйда қолиши талаб этилгач, телефон ва планшетлардан фойдаланиш олдингига қараганда янада ошди. Ҳозир аксари одамлар ихтиёрида смартфон, телефон ёки планшет бор. Қурилмаси нафақат тез қувватланишини, балки узоқ вақт давомида қувватни ушлаб туришини истамайдиганлар топилмаса керак. Шу ўринда ҳар бир фойдаланувчи қуйидаги ҳақиқатни билиб олиш жуда муҳим: литий-ион батареяларини тез-тез қувватлантириш фақат зарар келтиради.

Тунда телефонни электр тармоғида қолдириш

Қимматбаҳо девайсларнинг аксари эгалари тўлиқ қувватнинг чекланган вақтини ҳисобга олмаган ҳолда, кўпинча тун бўйи телефонни электр тармоғида қолдиришади. Қувватлаш циклининг давомийлиги одатда 3-4 соатдан ошмаслигини ҳисобга олсак, телефон қолган пайтда вақти-вақти билан қувватлаш режимига ўтади.

Оқибатда, қайта зарядланувчи батарея доимий равишда ярим фаол ҳолатда бўлади. Бу эса унинг ишлашига таъсир қилади. Бундай “таранг” режимда узоқ вақт ишлаганингиздан сўнг, тўсатдан телефонингиз олдингига қараганда тезроқ қувват йўқотаётганига гувоҳ бўласиз. Ўзингизни бундай ёқимсиз ҳолатдан қутқариш учун муҳим қоидага қатъий риоя қилишингиз керак: телефон қувват олганидан сўнг, уни дарҳол тармоқдан узинг.

Қувват олдириш ва тўхтатиш даражалари чегарасини билиш

Аксарият мутахассисларнинг фикрига кўра, литий-ион батареяни тўлиқ қувватлаш ҳолатига келтиришнинг маъноси йўқ. Баъзи фойдаланувчилар 90 фоиз даражасига етганда қувватлашни тўхтатишни маслаҳат беради. Уларнинг сўзларига кўра, шу тарзда телефонни ҳаддан ташқари кучсиз режимлардан ҳимоя қилиш мумкин.

Одатий хатоларга батареянинг қувватсизланиши 50 фоиз бўлса ҳам қувват олдиришни рад этиш киради. Телефон батареясининг хизматини узайтириш учун уни иложи борича тезроқ қувват олдириш фойдали эканлиги исботланган. Агар литий-ионли батареялар тўлиқ қувватлаш режимида ишлатилса, улар 500 циклдан ортиғига бардош бера олиши тахмин қилинмоқда. 50 фоиз қувватда эса, бу кўрсаткич 1500 га этади. Максимал натижага эришиш учун 40 дан 80 фоизгача диапазон танланади.

Ҳар ойлик машғулот

Литий-ион батареялари хотира таъсирига эга эмаслигига қарамай, уларни камида (ҳар икки ойда бир марта) нолга тушириш ва тўлиқ қувват билан қувват қилиш фойдалидир. Агар сиз ушбу жараённи адашган ҳолда тарк этсангиз, вақт ўтиши билан индикатор “ёлғон гапира” бошлайди. Умуман олганда, бу қурилманинг ишлашига таъсир қилмайди, аммо шунга қарамай, ушбу маслаҳатга амал қилиш тавсия этилади.