Сирдарёда Lacetti ва Nexia-2 тўқнашувида 4 киши ҳалок бўлди

3-саҳифа

−

07 Сентябрь 2022 visibility11278 timer1 дақиқа

Жорий йилнинг 3 сентябрь куни Сирдарё вилояти Мирзаобод туманида Lacetti ва Nexia-2 автомобиллари тўқнашиши оқибатида тўрт киши вафот этди. Бу ҳақда вилоят ИИБ маълум қилди.

ЙТҲ туманнинг “Турғун Аҳмедов” МФЙ ҳудудидан ўтувчи А-373 автомобиль йўлида юз берган. Термиз – Тошкент йўналиши бўйича ҳаракатланиб кетаётган, 1986 йилда туғилган фуқаро бошқарувидаги Lacetti йўлнинг қарама-қарши йўналишида ҳаракатланиб келаётган Nexia-2 автомасинаси билан тўқнашган. Тўқнашувга Lacetti ҳайдочиси бошқарувни йўқотгани сабаб бўлган.

Оқибатда Nexia-2 ҳайдовчиси ва машинадаги 3 нафар йўловчии олган тан жароҳатлари натижасида воқеа жойида вафот этган. Яна бир йўловчи эса олган оғир тан жароҳатлари билан туман тиббиёт бирлашмасининг жонлантириш бўлимига ётқизилган.

Мақола муаллифи