Синдоров-Абдусатторов баҳсида кутилмаган натижа қайд этилди
Спорт
−
29 Март 2023 12508
Бугун, 29 март куни Тошкент шаҳридаги халқаро шахмат академиясида ўтказилаётган 1-халқаро “Рустам Қосимжонов турнири” баҳслари якунига етади. Турнир бир неча кутилмаган натижалар билан мухлислар ёдида қолмоқда.
Мусобақанинг 2-турида Рустам Қосимжоновни мағлубиятга учратган Нодирбек Абдусатторов 7-турда чемпионлик пойгасидаги асосий рақиби Жавоҳир Синдоров билан тўқнаш келди. “Ўзбек шахмат классико”си деб аталган партияда Синдоровнинг қўли баланд келди.
Шундай қилиб, Жавоҳир Синдоров 7 имкониятдан 5,5 очко жамғариб, турнирда якка пешқадам бўлиб олди.
Мусобақа умумий 9 та турдан иборат. Яна 2 та турдан сўнг гуруҳларнинг барча ғолиб ва совриндорлари маълум бўлади.
Live
Барчаси
