Shveysariya penaltilar seriyasida Kolumbiyani mag‘lub etdi

Bugun, 8 iyul kuni Shveysariya milliy terma jamoasi Jahon chempionatining 1/8 final bosqichida Kolumbiyani penaltilar seriyasida mag‘lub etib, chorak finalga yo‘l oldi. 

Vankuverda bo‘lib o‘tgan uchrashuvning asosiy va qo‘shimcha vaqti 0:0 hisobida yakunlandi. Penaltilar seriyasida esa shveysariyaliklar 4:3 hisobida ustun keldi.

Shu tariqa, O‘zbekiston milliy terma jamoasi bilan bir guruhidan joy olgan jamoalarning barchasi mundialni tark etdi. Dastlab 116 finalda Kongo DR turnir bilan xayrlashgan bo‘lsa, Portugaliya va Kolumbiya terma jamoalari nimchorak finalda mundialni tar etdi.

Shveysariya esa o‘z tarixida to‘rtinchi marta va 72 yil ichida ilk bor Jahon chempionatining chorak finaliga chiqishga muvaffaq bo‘ldi. Endi shveysariyaliklar keyingi bosqichda amaldagi jahon chempioni Argentinaga qarshi maydonga tushadi. Argentina avvalroq, Misrni 3:2 hisobida mag‘lub etgandi.

Ma’lumot uchun, Jahon chempionati AQSH, Kanada va Meksikada bo‘lib o‘tmoqda. Musobaqada ilk bor 48 ta terma jamoa ishtirok etyapti. Turnir joriy yilning 19 iyul kuni yakunlanadi. Argentina musobaqaning amaldagi g‘olibi hisoblanadi.