Тер Штеген “Эль класико”да майдонга тушиши мумкин
Спорт
−
25 Апрель 1452
“Барселона” дарвозабони Марк-Андре тер Штеген жароҳатидан фориғ бўлди ва “Реал Мадрид”га қарши Испания кубоги финали учун жамоа қайдномасига киритилди. Бу ҳақда клуб матбуот хизмати хабар берди.
32 ёшли Марк-Андре тер Штеген 2024 йил сентябридан бери майдонга тушмаяпти, чунки Испания чемпионатининг 6-туридан ўрин олган “Вилярреал”га (5:1) қарши ўйиндан сўнг тиззасидаги жароҳат оқибатида сафдан чиққанди.
Тер Штегеннинг клуб билан амалдаги шартномаси 2028 йилнинг ёзига қадар мўлжалланган.“Transfermarkt” порталида келтирилган маълумотларга кўра, футболчининг бозор нархи 15 миллион еврони ташкил қилади.
Маълумот учун, Испания кубогининг финал ўйини 27 апрелга ўтар кечаси Тошкент вақти билан 01:00 да старт олади. Баҳсга Севилья шаҳридаги Олимпия стадиони мезбонлик қилади.
Live
Барчаси
