Shoir Bahodir Iso vafot etdi
Jamiyat
−
25 fevral 8108
Bugun, 25 fevral kuni O‘zbekistonda xizmat ko‘rsatgan yoshlar murabbiysi, Yozuvchilar uyushmasi a’zosi, shoir Bahodir Iso vafot etdi. Bu haqda O‘zbekiston Yozuvchilar uyushmasi xabar berdi.
Bildirilishicha, janoza namozi bugun soat 11:00 da Rishton tumanidagi Do‘tir qishlog‘ida o‘qiladi.
Ma’lumot uchun, u 1956 yilda Farg‘ona villyati Rishton tumanidagi Do‘tir qishlog‘ida tug‘ilgan. 1977 yilda Fargona pedagogika institutini tugatgan. Biroq faoliyatini asosan adabiyotga, san’atga bog‘lagan.
Uning she’rlari, dostonlari O‘zbekistonning barcha matbuotlarida, kollektiv to‘plamlarda chop etilgan. U 1988 yilda nashr etilgan “Xayrli tun” she’riy to‘plami bilan muxlislarga yaxshi tanishdir.
Eslatib o‘tamiz, avvalroq O‘zbekiston xalq artisti, mashhur maqom ijrochisi Nafisa To‘xtayeva 83 yoshida vafot etgandi.
Mohimbegim Ma’rufaliyeva
Live
Barchasi