Шимолий Корея Япон денгизи томон учта баллистик ракета учирди

Шимолий Корея яна ракета синовларини ўтказди ва Япония томон учта баллистик ракета учирди. Бу ҳақда “Kyodo” агентлиги Япония Мудофаа вазирлиги ва қирғоқ қўриқлаш хизматига таяниб хабар берди.

Агентлик маълумотларига кўра, ракеталар Япониянинг эксклюзив зонасидан ташқарига тушган.

Япония Бош вазири Фумио Кисида Шимолий Кореянинг ракета учирилишини номақбул деб атади.

Қайд этилишича, ракеталар тахминан 30 дақиқалик масофада учирилган. Уларнинг ҳар бирининг парвози тахминан етти дақиқа давом этиб, 50 м баландликда 350 км масофани босиб ўтган.

Маълумот учун, 4 мартдан 15 мартгача Жанубий Кореяда Пхеньян томонидан кескинлик кучайиши фонида АҚШ билан йиллик қўшма ҳарбий манёврлар бўлиб ўтди. “Озодлик қалқони” машғулотларининг асосий элементи КХДР томонидан юзага келиши мумкин бўлган ядровий таҳдидга қарши машғулотлардан иборат бўлди.

Жанубий Корея ва Япония Пхеньяннинг ядровий ва ракета дастурларида ўзларига тўғридан тўғри таҳдид деб ҳисоблайди. Шимолий Корея етакчиси Ким Чен Ин режими эса АҚШни душман давлат деб ҳисоблайди.