Шавкат Мирзиёев хорижий давлатлар Президентларига миннатдорлик билдирди

Жамият 9441
image

Ўзбекистон Республикаси Президенти Шавкат Мирзиёев хорижий давлатлар ва ҳукуматлар, нуфузли халқаро ташкилотлар ва молиявий институтлар раҳбарлари, таниқли сиёсат ва жамоат арбобларига мамлакат мустақиллигининг 29 йиллиги муносабати билан қутловлар йўллагани учун кўп миллатли Ўзбекистон халқи номидан самимий миннатдорлик билдирди.

Давлат раҳбари Ўзбекистонда амалга оширилаётган кенг миқёсли янгиланишлар ва ижтимоий-иқтисодий ислоҳотларга берилган юксак баҳо ва хайрихоҳлик, икки томонлама дўстлик ва кўп қиррали ҳамкорлик муносабатларини янада ривожлантириш ва мустаҳкамлашга қаратаётган эътибори, шунингдек, коронавирус инфекцияси тарқалиши оқибатларини енгиб ўтишдаги самарали шериклик учун хорижий ҳамкорларга ташаккур айтди.

Ўзбекистон хорижий давлатлар ва халқаро ташкилотлар билан узоқ муддатли алоқаларни кенгайтириш, савдо, иқтисодиёт, инвестициялар, инновациялар, транспорт, туризм, фан, тиббиёт, таълим, маданият ва бошқа устувор йўналишларда қўшма лойиҳа ва дастурларни илгари суриш, кўп томонлама тузилмалар доирасида глобал ва минтақавий аҳамиятга молик долзарб масалалар юзасидан конструктив мулоқотни давом эттириш учун очиқ ва тайёр экани қайд этилди.

Эслатиб ўтамиз, жорий йилда юздан зиёд хорижий мамлакатлар ва халқаро ташкилотлар раҳбарлари Ўзбекистон Республикасининг Мустақиллиги куни муносабати билан ўз қутловларини йўллаган, шу жумладан:

Бирлашган Миллатлар Ташкилоти Бош котиби Антониу Гутерриш;

Россия Федерацияси Президенти Владимир Путин;

Хитой Халқ Республикаси Раиси Си Цзиньпин;

Америка Қўшма Штатлари Президенти Дональд Трамп;

Қозоғистон Республикаси Биринчи Президенти – Элбоши Нурсултон Назарбоев;

Қозоғистон Республикаси Президенти Қасим-Жомарт Тўқаев;

Туркманистон Президенти Гурбангули Бердимуҳамедов;

Тожикистон Республикаси Президенти Имомали Раҳмон;

Қирғиз Республикаси Президенти Сооронбай Жээнбеков;

Афғонистон Ислом Республикаси Президенти Ашраф Ғани;

Озарбайжон Республикаси Президенти Илҳом Алиев;

Арманистон Республикаси Президенти Армен Саркисян;

Арманистон Республикаси Бош вазири Никол Пашинян;

Беларусь Республикаси Президенти Александр Лукашенко;

Грузия Президенти Саломе Зурабишвили;

Молдова Республикаси Президенти Игорь Додон;

Украина Президенти Владимир Зеленский;

Туркия Республикаси Президенти Ражаб Тойиб Эрдўған;

Корея Республикаси Президенти Мун Чже Ин;

Япония Императори Нарухито;

Ҳиндистон Республикаси Президенти Рам Натҳ Ковинд;

Германия Федератив Республикаси Президенти Франк-Вальтер Штайнмайер;

Франция Республикаси Президенти Эммануэль Макрон;

Италия Республикаси Президенти Сержо Маттарелла;

Буюк Британия ва Шимолий Ирландия Қироличаси Елизавета II;

Белгияликлар Қироли Филипп;

Испания Қироли Фелипе VI;

Нидерландия Қироли Виллем-Александр;

Швеция Қироли Карл XVI Густаф;

Австрия Республикаси Президенти Александр ван дер Беллен;

Болгария Республикаси Президенти Румен Радев;

Венгрия Президенти Янош Адер;

Греция Республикаси Президенти Катерина Сакелларопулу;

Латвия Республикаси Президенти Эгилс Левитс;

Польша Республикаси Президенти Анжей Дуда;

Руминия Президенти Клаус Вернер Йоханнис;

Сербия Республикаси Президенти Александр Вучич;

Словакия Республикаси Президенти Зузана Чапутова;

Финляндия Республикаси Президенти Саули Нийнистё;

Чехия Республикаси Президенти Милош Земан;

Швейцария Конфедерацияси Президенти Симонетта Соммаруга;

Эстония Республикаси Президенти Керсти Кальюлайд;

Рим-католик черкови раҳбари Франциск;

Саудия Арабистони Подшоҳи Салмон ибн Абдулазиз Ал-Сауд;

Саудия Арабистони Подшоҳлиги валиаҳди, Бош вазири ўринбосари, мудофаа вазири Муҳаммад ибн Салмон Ал-Сауд;

Бирлашган Араб Амирликлари Президенти Халифа бин Зоид Ал-Наҳаён;

БАА Қуролли кучлари Олий бош қўмондони ўринбосари, Абу-Даби Амирлиги валиаҳди Муҳаммад бин Зоид Ал-Наҳаён;

БАА Вице-президенти, Бош вазири, Дубай амирлиги ҳокими Муҳаммад бин Рошид Ал-Мактум;

Миср Араб Республикаси Президенти Абдулфаттоҳ ас-Сиси;

Эрон Ислом Республикаси Президенти Ҳасан Руҳоний;

Покистон Ислом Республикаси Президенти Ориф Алвий;

Покистон Ислом Республикаси Бош вазири Имрон Хон;

Жазоир Халқ Демократик Республикаси Президенти Абдулмажид Таббун;

Бангладеш Халқ Республикаси Президенти Абдул Ҳамид;

Бангладеш Халқ Республикаси Бош вазири Шайх Ҳасина;

Шри-Ланка Демократик Социалистик Республикаси Президенти Готабая Ражапакса;

Ўмон Султони Ҳайсам бин Ториқ;

Баҳрайн Подшоҳи Ҳамад ибн Исо Ал Халифа;

Иордания Подшоҳи Абдалла II;

Қувайт Давлати валиаҳди Наваф ал-Аҳмад  ал-Жобир ас-Сабоҳ;

Исроил Давлати Президени Реувен Ривлин;

Фаластин Давлати Президенти Маҳмуд Аббос;

Австралия Иттифоқи Генерал-губернатори Девид Хёрли;

Индонезия Республикаси Президенти Жоко Видодо;

Малайзия Подшоҳи Султон Абдуллоҳ Риъятуддин Ал-Мустафо БИЛЛОҲ;

Малайзия Бош вазири Тан Сри Муҳйиддин Яссин;

Сингапур Республикаси Президенти Ҳалима Яқуб;

Филиппин Республикаси Президенти Родриго Дутерте;

Бруней Доруссалом Давлати Султони Ҳассанал Болкиях;

Лаос Халқ-Демократик Республикаси Президенти Буннянг Ворачит;

Мьянма Иттифоқи Республикаси Президенти Вин Мьин;

Непал Федератив Демократик Республикаси Президенти Бидхя Деви Бхандари;

Мальдив Республикаси Президенти Иброҳим Муҳаммад Солиҳ;

Куба Республикаси Президенти Мигель Диас-Канель Бермудес;

Никарагуа Республикаси Президенти Хосе Даниель Ортега Сааведра;

Ямайка Бош вазири Эндрю Майкл Холнесс;

БМТ Озиқ-овқат ва қишлоқ хўжалиги ташкилоти (ФАО) бош директори Цюй Дунъюй;

Жаҳон сайёҳлик ташкилоти бош котиби Зураб Пололикашвили;

Жаҳон божхона ташкилоти бош котиби Кунио Микурия;

Ислом ҳамкорлиги ташкилоти бош котиби Юсуф ал Усаймин;

Таълим, фан ва маданият масалалари бўйича Ислом ташкилоти бош директори Салим ал-Малик;

Туркий тилли давлатлар ҳамкорлик кенгаши бош котиби Бағдат Амреев;

МДҲ Ижроия қўмитаси раиси – Ижрочи котиби Сергей Лебедев;

Қишлоқ хўжалигини ривожлантириш халқаро жамғармаси президенти Жильбер Унгбо ва бошқалар.

Суннатилла Абдуллаев
Мақолага баҳо беринг
Баҳолаганлар: 145
Рейтинг: 3.1
t
×