Шавкат Мирзиёев Испания қиролига ҳамдардлик йўллади
Local
−
20:30 930 1 minute
Бугун, 28 октябрь куни Президент Шавкат Мирзиёев Испаниянинг Толедо провинциясида поездлар тўқнашуви оқибатида кўплаб инсонлар ҳалок бўлгани ва жароҳат олгани муносабати билан Испания қироли Фелипе VI номига ҳамдардлик йўллади. Бу ҳақда Президент матбуот котиби маълум қилди.
Қайд этилишича, давлат раҳбари Испания халқига, ҳалок бўлганларнинг оила аъзолари ва яқинларига таъзия билдириб, жароҳатланганлар тезроқ соғайиб кетишини тилаган.
Эслатиб ўтамиз, аввалроқ Испания марказидаги Толедо провинциясида иккита юқори тезликда ҳаракатланувчи поезднинг тўқнашиб кетиши оқибатида ўнлаб одамлар ҳалок бўлгани ва яна кўплаб йўловчилар жароҳат олгани ҳақида хабар берилган эди. Сўнгги маълумотларга кўра, қурбонлар сони 64 нафарга етган.
Live
All27 October
