“Шаҳристон” бекатида метро поезди тўхтаб қолди (видео)
Local
−
09:50 2148 1 minute
Бугун, 7 октябрь куни Тошкент метрополитенининг “Шаҳристон” бекатида эски метро поездида техник носозлик юз берди. Бу ҳақда “Тошкент метрополитени” АЖ хабар берди.
Қайд этилишича, соат 08:22 да 1985 йилда ишлаб чиқарилган 69-сонли ҳаракат таркибида техник носозлик кузатилган. Носозлик сабаб поезд 6 дақиқага тўхтаб қолган.
Шундан сўнг, йўловчилар поезддан туширилган ва ҳаракат таркиби техник кўрикдан ўтказиш учун махсус йўлакка олиб кетилган.
Йўловчиларга хизмат кўрсатишда узилишларга йўл қўймаслик учун зудлик билан захира поезд йўналишга чиқарилган.
Билдирилишича, ҳозирда носозлик бўйича тегишли техник чоралар кўрилган.
“Юзага келган ноқулайлик учун йўловчилардан узр сўраймиз”, дейилади муносабатда.
Эслатиб ўтамиз, аввалроқ электр билан боғлиқ муаммолар сабабли Тошкент метрополитени фаолиятида узилиш кузатилгани ҳақида хабар берилган эди.
Live
All
