Сеул осмонида Ўзбекистон байроғи тасвирланган дирижабль кўтарилди (фоторепортаж)
Олам
−
11:20 632 1 дақиқа
Бугун, 15 сентябрь куни Сеул осмонида ўзгача манзара кузатилди – Ўзбекистон байроғининг мовий, оқ ва яшил рангларидаги дирижабль Корея Республикаси пойтахти узра парвоз қилди.
Бу оддий парвоз эмас эди. Унинг ортида юртга муҳаббат, миллий ғурур ва Ўзбекистоннинг дўст Корея заминидаги яна бир ёрқин қадами мужассам эди.
Ўзбекистон Президентининг Жанубий Кореяга давлат ташрифи арафасида амалга оширилган ушбу рамзий ташаббус Сеул аҳолиси ва хорижлик меҳмонларга Ўзбекистонни яна бир бор танитиш, мамлакат миллий қадриятлари ва давлат рамзларини намоён этишга хизмат қилди.
.jpg)
Жанубий Кореянинг пойтахти Сеул – дунёдаги энг замонавий мегаполислардан бири.
Ана шу замонавий шаҳар осмонида Ўзбекистон байроғи рангларининг намоён бўлиши икки мамлакат ўртасидаги муносабатлар ҳам янги, замонавий ва истиқболли босқичга кўтарилаётганининг гўзал рамзи бўлди.
Live
Барчаси
