Саудия Про лигаси футболчиларининг трансфер нархи янгиланди

Transfermarkt портали Саудия Про лигаси футболчиларнинг бозор қийматларини янгилади. Унга кўра, Португалия миллий терма жамоаси ва “Ал Наср” клуби футболчиси Криштиану Роналдунинг бозор қиймати ўзгаришсиз қолди.

Ихтисослаштирилган футбол сайти футболчиларнинг бозор қийматини янгилаганидан сўнг, “Ал Қодисия” футболчиси Матео Ретегининг нархи 5 миллион еврога пастлаб, 40 миллион евро дея баҳоланди ва бу кўрсаткич билан италиялик ҳужумчи лиганинг энг қиммат футболчисига бўлиб турибди. Иккинчи ўринда 35 миллион евро билан “Ал Ҳилол” футболчиси Дарвин Нуньес турибди. Португалия терма жамоаси сардори Роналду эса 12 миллион евро билан бу рўйхатда 24-поғонани эгаллаб турибди.  

Transfermarkt'га кўра, ҳозирда “Ал Ҳилол” жамоасининг бозор қиймати 192 миллион евро билан  Саудия Про лигасининг энг қиммат жамоаси бўлиб турибди.

Эслатиб ўтамиз, аввалроқ Аргентина миллий терма жамоаси ва “Интер Майами” клуби футболчиси Лионель Мессининг бозор қиймати 3 миллион еврога пастлаган эди.