Саудия клуби Мессига 1 млрд евро маош бермоқчи
Спорт
−
07 Ноябрь 2023 4154
Саудия Арабистонининг “Ал-Ҳилол” клуби аргентиналик ҳужумчи Лионель Мессига 1 миллиард евро маош таклиф қилди. Бу ҳақда футбол журналисти Гиллем Балаге ўз Х саҳифасида маълум қилди.
Манбага кўра, Месси ПСЖда ўйнаётган пайтларида ҳам “Ал-Ҳилол” вакиллари Парижда футболчи билан музокара ўтказиб, унга катта маош таклиф қилган. Бироқ аргентиналик футболчи бу таклифни ҳеч қачон жиддий кўриб чиқмаган. Ёзги трансфер ойнасида эса Месси “Интер Майами” билан шартнома имзолади.
Ҳужумчининг АҚШ клуби билан шартномаси 2025 йилгача мўлжалланган. Ўтган мавсумда аргентиналик футболчи Америка клуби сафида 14 та ўйин ўтказиб, ўз ҳисобига 11 та гол ва 5 та голли узатмани ёздириб қўйди.
Эслатиб ўтамиз, аввалроқ Месси фаолиятидаги энг ёқтирган голи қайси эканлигини айтганди. Футболчи энг муҳим голларини Европа Чемпионлар лигаси ва Жаҳон чемпионатида урганини маълум қилди.
Live
Барчаси
