Самарқандда мансабдор 13 минг доллар пора билан ушланди

Жамият 11599
image
-

Самарқанд вилояти Пастдарғом туманида 13 минг АҚШ доллари эвазига фуқарога ер олиб бермоқчи бўлган мансабдор ва фермер қўлга олинди. Бу ҳақда Самарқанд вилояти ИИБ Ахборот хизмати хабар бермоқда.

Маълум қиинишича, кеча, 17 май куни Пастдарғом тумани Давлат солиқ инспектори лавозимида ишловчи Б.Ж. ва фермер хўжалиги раиси ҳисобланган Х.Б. “Павлония” кўчатини экиш ниятида юрган фуқарога Пастдарғом туманидан 15 гектар ер майдонини 13 минг АҚШ доллари эвазига расмийлаштириб беришини ваъда қилиб, ундан сўралган пулларни фирибгарлик йўли билан қўлга киритаётган вақтида, Самарқанд вилояти ИИБ ЖҚБ Коррупция ва иқтисодий жиноятларга қарши курашиш бўлими, ДХХнинг вилоят бошқармаси ҳамда вилоят прокуратураси ходимлари томонидан қўлга олинган.

Мазкур ҳолат юзасидан Ўзбекистон Республикаси Жиноят кодексининг тегишли моддалари билан жиноят иши қўзғатилиб тергов ҳаракатлари олиб борилмоқда.

Умиджон Нозимжонов
Мақолага баҳо беринг
Баҳолаганлар: 366
Рейтинг: 3
t
×