Самарқандда блогернинг автомобили ёқиб юборилди

Жамият 14995
image

Ижтимоий тармоқларда самарқандлик автоблогернинг транспорт воситасига ўт қўйилгани ҳақида хабарлар тарқалди. Самарқанд вилояти Ички ишлар бошқармаси Ахборот хизмати QALAMPIR.UZ’га ҳолат юзасидан жиноят иши қўзғатилиб, тергов ҳаракатлари олиб борилаётганини маълум қилди.

Жорий йилнинг 16 декабрь куни фуқаро М.Б. Самарқанд шаҳар Ички ишлар органлари фаолиятини мувофиқлаштириш бўлимига ариза билан мурожаат қилиб, 16 декабрь куни соат 02:30 ларда ўзининг яшаш уйи ёнида бўлган автомобили номаълум шахс томонидан ёқиб юборилганини маълум қилган. Фуқаро ушбу номаълум шахсга нисбатан қонуний чора кўришни сўраган.  

Ҳозирда ҳолат юзасидан Самарқанд шаҳри бўйича ИИО ФМБ ҳузуридаги тергов бўлими томонидан Ўзбекистон Республикаси Жиноят Кодексининг 173-моддаси 2-қисм “б” банди билан жиноят иши қўзғатилиб, тергов ҳаракатлари олиб борилаётгани маълум қилинди.

Умиджон Нозимжонов
Мақолага баҳо беринг
Баҳолаганлар: 836
Рейтинг: 3
Теглар
t
×