Руни Роналду ҳақида нималар деди?

“Манчестер Юнайтед”нинг собиқ ҳужумчиси, ҳозирда “Ди Си Юнайтед” бош мураббийи Уэйн Руни португалиялик ҳужумчи Криштиану Роналду ҳақида фикр билдирди. Бу ҳақда CNN хабар берди.

“Роналдунинг “Манчестер Юнайтед” учун қилган ишлари ажойиб. У МЮда Премьер-лига чемпионлигини қўлга киритди, Европа Чемпионлар лигасида ғолиб чиқди, кўплаб голлар урди. Шундай экан, мухлислар ва албатта, футболчилар айниқса менинг давримда у билан бирга ўйнаган собиқ жамоадошлари Роналдунинг “Манчестер Юнайтед” учун қилган ишларини ҳеч қачон унутмайди, деб ўйлайман. Чунки менинг назаримда у ҳамиша клуб афсонаси бўлиб қолади ва бу сафар ҳаммаси эрта тугаб қолгани ачинарли, албатта. Аммо бу унинг клубдаги обрўсига путур етказади деб ўйламайман”,дейди Руни.

Роналду ва Руни 2003-2009 йилларда МЮда тўп сурган. 

Эслатиб ўтамиз, Роналду 2022 йилнинг ноябрида “Манчестер Юнайтед”ни тарк этганди. Кейинроқ ҳужумчи “Ал-Наср” билан шартнома имзолади.