Россиядан Қозоғистонга самолёт олиб ўтмоқчи бўлган шахс ушланди

Ан-2 самолётини юк машинасида Қозоғистоннинг Россия билан чегарасидан рухсатномасиз олиб ўтмоқчи бўлган шахс тўхтатиб қолинди. Бу ҳақда ТACC хабар берди.

Маълум қилинишича, Омонгелди автоўтказиш пунктида (Россия Федерациясининг Омск вилояти билан чегарадош) МАЗ 54323 русумли автомашинани кўздан кечириш чоғида оғирлиги 3 тонна бўлган Ан-2 самолётини олиб ўтишга уриниш ҳолати аниқланган.

Самолёт эгаси уни аукционда шахсий фойдаланиш учун сотиб олганини айтган. Мулкдорга нисбатан Қозоғистон Маъмурий ҳуқуқбузарликлар тўғрисидаги кодексининг 463-моддаси 1-қисми (Тадбиркорлик ёки бошқа фаолият билан шуғулланиш, шунингдек, тегишли рўйхатдан ўтмасдан, рухсатнома ёки билдиришномасиз ҳаракатлар қилиш) бўйича баённома тузилган. Қозоғистоннинг Павлодар вилояти суди ушбу шахсни 55 минг тенге (тахминан 104 доллар) миқдорида жаримага тортди.

Маълумот учун, Ан-2 самолёти СССРда ишлаб чиқилган. У “маккажўхори ўсимлиги” сифатида танилган, чунки у маккажўхори далаларини етиштириш ва қишлоқ хўжалиги мақсадларида ишлатилган. Бироқ базан самолётдан ҳарбий мақсадларда ҳам фойдаланилган.

Эслатиб ўтамиз, аввалроқ Ўзбекистон ва Қозоғистон ўртасидаги “Малик” чегара ўтказиш пунктида йирик миқдордаги қимматбаҳо заргарлик буюмларини ноқонуний равишда олиб киришга бўлган уриниш фош қилинганди.