Россияда коронавирусга қарши биринчи дори воситаси тасдиқланди

Саломатлик 22673
image

Россияда коронавирусга қарши биринчи дори воситаси – Авифавир Соғлиқни сақлаш вазирлиги томонидан тасдиқланди. Бу ҳақда РИА Новости агентлиги хабар берди.

Дори воситанинг савдо номи - Авифавир. Дорининг давлат реестрида айтилишича, унинг кимёвий номи –Фавипиравир.

Авифавир - бу клиник синовларда самарали бўлган ва коронавируснинг кўпайиш механизмларини бузадиган биринчи тўғридан-тўғри Россия антивирал препарати. Ушбу дори яхши ўрганилган, чунки у Японияда 2014 йилдан буён гриппнинг оғир шаклларига қарши муомалада бўлган.

"Авифавир нафақат Россияда коронавирусга қарши рўйхатга олинган биринчи вирусга қарши дори, балки у дунёда энг истиқболли антиоксидланган COVID-19 дориси ҳисобланади. У Россиядаги клиник тадқиқотлар давомида рекорд вақт ичида ишлаб чиқилган ва синовдан ўтказилган. Бу дунёдаги Фавипиравир асосида рўйхатга олинган биринчи дори бўлишига имкон берди", дейди Россия тўғридан-тўғри инвестициялар фонди раҳбари Кирилл Дмитриев.

Авифавирни клиник тадқиқотларидаги оралиқ маълумотлар COVID-19 ни даволашда препаратнинг юқори самарадорлигини тасдиқлайди. Айни пайтда Соғлиқни сақлаш вазирлиги томонидан тасдиқланган дори клиник синовининг якуний босқичи давом этмоқда. Унда 330 бемор иштирок этмоқда.

 
Нуруллоҳ Шарипов
Мақолага баҳо беринг
Баҳолаганлар: 1142
Рейтинг: 3
t
×