Россияда 5 нафар ўзбекистонлик ЙТҲга учради
3-саҳифа
−
25 Май 10414
Россиянинг Тюмень вилоятида беш нафар ўзбекистонлик ЙТҲга учради. Бу ҳақда “Tumentoday” нашри хабар берди.
Вилоят давлат йўл инспекциясининг маълум қилишича, воқеа бугун, 25 май куни Аромашево – Вагай трассасининг 18-километрида содир бўлган. Ўзбекистонликлар Kia русумли автомобилда Сургутдан Россия чегарасига кетаётган бўлган.
“Kia русумли автомобиль йўлнинг 18-километрида ариққа сирғалиб, ағдарилиб кетган. Йўл-транспорт ҳодисаси оқибатида уч ва беш ёшли икки нафар бола, шунингдек, 30 ёшли йўловчи аёл, 32 ёшли йўловчи эркак ва 28 ёшли автомобиль ҳайдовчиси жабрланган. Уларнинг барчаси Ўзбекистон фуқароларидир. Воқеа сабабларига ойдинлик киритилмоқда”, дейилади хабарда.
Дастлабки маълумотларга кўра, ҳайдовчи хавфсиз тезликни танламаган.
Эслатиб ўтамиз, аввалроқ Москвада ўзбекистонликлар яшайдиган ётоқхона ёниб кетганди.
Live
Барчаси
