Россия Украинадаги гуманитар ёрдам пунктига ҳужум қилди
Олам
−
10 Июль 2023 8194
Бугун, 10 июль куни Россия Украинанинг жануби-шарқида ва шарқида гуманитар ёрдам тарқатиш пунктларига ҳужум қилди. Бу ҳақда “Reuters” хабар берди.
Жануби-шарқдаги Запорожье вилояти губернатори Юрий Малашконинг айтишича, Орехов шаҳрида ёрдам тарқатиш учун фойдаланилаётган мактаб биносига ҳужумда бошқариладиган авиация бомбаси қўлланилган. Оқибатда уч аёл ва бир эркак ҳалок бўлган, яна 11 киши яраланган.
Украина Бош прокуратураси воқеа ҳарбий жиноят сифатида текширилаётганини маълум қилган. Фавқулодда хизматлар вайроналар остида уч киши қолаётганидан хавотир билдирган.
Шунингдек, Донецк вилоятининг Хостре қишлоғи ва Авдеевка шаҳрининг Россия томонидан ўққа тутилиши оқибатида икки киши ҳалок бўлган ва уч киши яраланган.
Live
БарчасиБухорода Ғиждувон деҳқон бозори ёнмоқда.
14 Декабрь
