Россия ғалаба қозона олмайди – Орбан
Олам
−
24 Февраль 2023 19023
Венгрия Бош вазири Виктор Орбан Россиянинг Украинага қарши уруши бошланганининг бир йиллиги муносабати билан Россия ғалаба қозона олмаслиги, бироқ ядровий қудрати сабаб уни бурчакка тираб бўлмаслигини айтди. Бу ҳақда у ўз Тwitter саҳифасида ёзди.
“Россия ғалаба қозона олмайди, чунки бутун Ғарб дунёси Украина ортида турибди. Шу билан бирга, Россия ядровий давлатдир ва ядровий давлатни бурчакка олиб бориб бўлмайди, чунки бу ядро урушини қўзғатиши мумкин”, деб ёзган Орбан.
Шунингдек, у Украинадаги уруш ҳақида гапирар экан, ўт очишни тўхтатиш ва тинчлик музокараларига қанчалик тез эришилса, шунча яхши бўлишини билдирган.
Эслатиб ўтамиз, олдинроқ у Украинадаги урушда асосий мағлубиятга учрайдиган томон Европа бўлиши, Россиянинг эса ғалаба қилиши баҳсли масала экани ва урушдан асосий фойда кўрадиган тараф Америка бўлишини айтганди.
Алибек Бейжанов
Live
Барчаси
