Россия бутун Европа учун таҳдидга айланди – Макрон 

north_east

Франция Европага ядровий қалқон таклиф қилмоқда

Франция Президенти Эммануэль Макрон замонавий Россия бутун Европа, жумладан, Франция учун таҳдидга айланганини ва у Украинада тўхтаб қолишига ҳеч қандай асос кўрмаётганини айтди. Бу ҳақда у кеча, 5 март куни кечқурун халққа йўллаган мурожаатида сўз очди.

Франция Президенти Европа фуқароларининг хавфсизлиги ва фаровонлиги энди хавфсиз кўринмаслигини таъкидлаб, хусусан, Россиянинг Украинага қарши кенг кўламли уруши уч йилдан буён давом этаётгани, АҚШ Украинани қўллаб-қувватлаш бўйича ўз позициясини ўзгартираётгани ва ўз иттифоқчилари билан савдо уруши бошлагани, террорчилик хавфи сақланиб қолаётганини таъкидлади.

“Айтиш керак: биз янги даврга қадам қўймоқдамиз”, деди Макрон.

Президентнинг таъкидлашича, Россия аллақачон Украинага қарши жаҳон миқёсидаги урушнинг чизмаларини бериб, КХДРдан қўшинлар ва Эрон қуролларини олиб келган, шу билан бирга, Россия Пхеньян ва Теҳронга бир вақтнинг ўзида ёрдам бериб, Кремлнинг Европадаги мухолифларини ўлдиришдан тортинмаяпти, сайловларга аралашмоқда, киберҳужумларни амалга оширмоқда, ижтимоий тармоқларда ёлғон ахборот тарқатиш орқали жамоатчилик фикрини манипуляция қилишга уринмоқда ва “ҳавода, денгизда, космосда ва қурилмамиз экранлари орқасида рухсат этилган чегараларни синовдан ўтказмоқда”.

“Бундай вазиятда кузатувчи бўлиб қолиш ақлдан озиш бўлади”, деди у.

Макроннинг фикрича, Франция Украинага ёрдам бериш ҳамда ўз фуқаролари ва бутун Европа хавфсизлиги учун жиддий қарорлар қабул қилиши керак бўлади.