Россия БМТга янги ташаббус билан чиқяпти

Олам 2434
image

Россия Федерацияси бошқа давлатлар билан маслаҳатлашиб, қуролсизланиш бўйича қўмита ишини Нью-Йоркдан Женевага ёки Вена шаҳрига ўтказиш тўғрисида қарорни БМТ Бош ассамблеяси муҳокамасига тақдим этишга тайёр. Бу ҳақда ТАСС хабар бермоқда. 

"Биринчи Қўмита ишини ўтказиш тўғрисида лойиҳа тайёрланди, биз ҳатто норасмий маслаҳатлашувлар ўтказдик", деди Россия Федерациясининг Женевадаги БМТ ваколатхонаси доимий вакили ўринбосари Aндрей Белоусов. "Бизнинг позициямиз билан танишишни истаган делегациялар ушбу маслаҳатлашувларга келди. Шу билан бирга, ариза қўмитага топширилгунга қадар, биринчи қўмитага ҳужжатларни топшириш муддати бугун, 17 октябрь куни тугайди. "Россия делегацияси аниқ кўрсатмалар асосида ишлайди, ушбу кўрсатмалар ҳужжатнинг киритилишини назарда тутади" деди у. 

Белоусов шунингдек, БМТ Бош ассамблеясининг 74-сессияси бошланганидан бери AҚШ 18 нафар Россия делегациясига виза бермаганини қўшимча қилди.

Хусусан, қуролсизланиш масалалари билан шуғулланувчи БМТ Бош ассамблеясининг Биринчи қўмитаси йиғилишида қатнашиши керак бўлган Россия делегациясининг учдан бир қисми визаларни ололмаган. Бу масала БМТнинг алоқалар бўйича қўмитаси томонидан қабул қилувчи мамлакат билан муҳокама қилинган

Россия Федерациясининг БМТдаги вакили ўринбосари Геннадий Кузминнинг таъкидлашича, йиғилишда дунё ташкилотининг вакили Москванинг AҚШнинг қабул қилувчи мамлакатнинг мажбуриятларини бузиши ҳақидаги позициясини қўллаб-қувватлади. Унинг сўзларига кўра, бу масала БМТ Бош котиби ва Вашингтон ўртасидаги ҳакамлик суди орқали ҳал қилиниши мумкин.    

Акбаржон Абдураимов
Мақолага баҳо беринг
Баҳолаганлар: 63
Рейтинг: 2.8
Теглар
t
×