Роналдунинг қўшниси уни фиръавнга ўхшатди. Футболчи пирамида қуряптими?
Спорт
−
01 Июль 2023 14199
“Ал-Наср” футболчиси Криштиану Роналдунинг Португалияда қураётган данғиллама уйи қўшниларининг норозилигига сабаб бўлмоқда. Бу ҳақда “Goal” нашри хабар берди.
Манбага кўра, Португалиянинг Кашкайш шаҳри чеккасида қурилаётган уй футболчининг қўшниларига бир қанча ноқулайликлар туғдирмоқда, ҳавонинг чанг билан ифлосланиши, йўлларнинг тўсиб қўйилгани ва ҳаддан ташқари шовқин шулар жумласидан.
“Биз чарчадик! Қурилиш ишлари уч йилдан бери давом этмоқда. Ҳали камида бир йиллик иш бор. Уй шунчалик каттаки, касалхонага ўхшайди. Кўчамиз бир неча ойдан бери ёпиқ, боғим чангга тўлган. Ҳаммаси “фиръавн Роналду”нинг “пирамидаси” айби билан”, дейди спортчининг қўшниси.
Маълумот учун, 25 миллион еврога яқин маблағ сарфланаётган мазкур қурилиш дастлаб 2023 йилнинг июлига қадар якунланиши керак эди, бироқ муддат кейинга сурилмоқда.
.
Live
Барчаси
