Роналдунинг энг чиройли голлари рейтинги тузилди

Португалиялик футбол юлдузи Криштиану Роналдунинг 2017/18 йилги мавсум Европа Чемпионлар лигаси 1/4 финалида “Реал” сафида “Ювентус”га урган қайчи услубидаги голи футболчининг фаолиятидаги энг чиройли гол деб топилди. Бу ҳақда “FourFourTwo” хабар берди.

Роналду фаолиятидаги энг чиройли голни урган ўйинда “Реал” Турин клубини сафарда 3:0 ҳисобида мағлубиятга учратганди. Британия нашри томонидан тузилган Роналдунинг энг чиройли голлари рейтингига 34 та гол киритилди.

Голлар ичида 2-поғонадан Криштианунинг 2009 йил МЮ сафида “Порту”га узоқ масофадан киритган тўпи жой олди. Ҳужумчининг 2018 йилги Жаҳон чемпионатида Испания дарвозасига урган голи 3-ўринни эгаллади.

Роналдунинг энг чиройли бешта голи:

1. 2017/18 йилги Европа Чемпионлар лигаси 1/4 финалида “Ювентус” дарвозасига киритган голи (“Реал Мадрид”, 2018);

2. 2008/09 йилги Европа Чемпионлар Лигаси 1/4 финалидаги узоқ масофадан “Порту”га урган голи (“Манчестер Юнайтед”, 2009 йил);

3. ЖЧ-2018 да Испанияга жарима зарбасидан урган голи (Португалия термаси, 2018 йил);

4. А Серия 2019/20да “Сампдория”га боши билан урган голи (“Ювентус”, 2019);

5. Испания Суперкубогида “Камп Ноу”да “Барселона”га урган голи (“Реал Мадрид”, 2017 йил).