Роналду яна бир жаҳон рекордини янгилади

Португалиялик футболчи Криштиану Роналду яна бир жаҳон рекордини янгилади. Бу ҳақда Халқаро футбол тарихи ва статистикаси федерацияси (IFFHS) матбуот хизмати хабар берди.

Кеча, 30 август куни Саудия Арабистонининг “Ал-Наср” клуби сардори Криштиану Роналду расман миллий чемпионатларда рақиб дарвозасига урилган голлар сони бўйича жаҳон рекордини ўрнатди. У шу куни Саудия чемпионати доирасида ташкил этилган “Ал-Наср” ва “Ал-Шабоб” клублари ўртасидаги баҳсда рақиб дарвозасига 2 та тўп критди ва ҳисобидаги голлар сонини 517 тага етказиб қўйди.

Шу тарзда Роналду собиқ чемпионлар Йозеф Бицан ва Ференц Пушкашни 2 та тўп нисбати билан ортда қолдирди. Улар миллий лига ўйинларида 515 тадан гол муаллифи ҳисобланади.

Айтиш жоиз, мазкур рейтингда минтақавий лигалардаги голлар ҳисобга олинмаган, статистикада фақат миллий чемпионатларда урилган голлар ҳисобга олинган. Шу боис унда афсонавий Пеле каби машҳур тўпурарлар киритилмаган.