Роналду Мессининг Instagram’даги постига изоҳ ёзди

Португалиялик футбол юлдузи Криштиану Роналду Лионель Мессининг Аргентина терма жамоаси билан яратган тарихи абадий яшашини билдирди. Бу ҳақда у Мессининг миллий жамоа билан хайрлашув учрашувидан сўнг қолдирган пости остидаги изоҳида ёзди.

Кеча, 7 октябрь куни Аргентина ўртоқлик учрашувида Бенинни 3:0 ҳисобида мағлуб этганди. Ушбу баҳс Лионель Мессининг миллий жамоа билан хайрлашув ўйини бўлди. Ҳужумчи мазкур учрашувда 1 та гол урди ва 2 та голли узатмани амалга оширди.

“Лео, сен ўз мамлакатинг ва абадий тарих учун шунча йиллар давомида курашдинг. Аргентина терма жамоаси билан эришган ютуқларинг учун сенга чексиз ҳурматимни билдираман. Қучиб қоламан”, деб ёзди Роналду.

Маълумот учун, 39 ёшли Месси 2023 йилдан буён MLS вакили “Интер Майами”да тўп тепмоқда. У фаолияти давомида “Барселона” ва “Пари Сен-Жермен” клубларида ҳам ўйнаган. Месси Аргентина билан 2022 йилги Жаҳон чемпионатида ғолиб чиққан. Шунингдек, у 2021 ва 2024 йилларда Америка Кубогида, 2008 йилги Олимпиадада чемпион бўлган. Месси Аргентина терма жамоаси сафида 208 та учрашув ўтказиб, 126 та гол урган. У миллий жамоа тарихида ҳам ўйинлар, ҳам голлар бўйича рекордчи ҳисобланади.