Роналду фаолиятини якунлагач, 30 миллион евролик қасрга кўчиб ўтмоқчи

Португалия терма жамоаси сардори Криштиану Роналду футболчилик фаолиятини якунлагач, Португалиядаги 30 миллион фунт стерлинг қийматидаги ҳашаматли қасрга кўчиб ўтиши кутилмоқда. Бу ҳақда “Daily Express” нашри хабар берди.

Лиссабондан 48 км узоқликдаги қирғоқбўйи курортида қурилиши якунланган ушбу мулк Португалиядаги энг катта ва энг қиммат уйлардан бири ҳисобланади. Футболчининг уйи ерости автотураргоҳи билан жиҳозланган бўлиб, унда унинг 13,8 миллион евро қийматидаги автомобиль коллекцияси учун жой ажратилган. Саккизта ётоқхонали қаср уч йил давомида қурилган. “Ал-Наср” ҳужумчиси фаолиятини якунлагач, бу мулкка кўчиб ўтиши кутилмоқда.

Қасрда улкан шиша бассейн ва сув ости йўлаги мавжуд бўлиб, меҳмонлар юқорида сузаётганларни кўришлари мумкин. Лойиҳада ақлли иситиш тизими, спортзали, ёпиқ ва очиқ бассейнлар, массаж хонаси ва кинотеатр ҳам бор. Шунингдек, қасрда соф олтин жўмраклар, итальян мармарлари ва жуфтликлар учун махсус яратилган Louis Vuitton деворий расми ҳам мавжуд.

Маълумотларга кўра, Роналду уй яқинида гольф майдончаси сотиб олишга уринган, аммо унинг таклифи рад этилган.

Эслатиб ўтамиз, аввалроқ Криштиану Роналду ва Жоржина Родригес Қизил денгиз марказида жойлашган The Red Sea Residences мажмуасидан икки ҳашаматли вилла харид қилган эди.