Роналду 2023 йилда энг кўп даромад олган спортчига айланди

Португалиялик футболчи Криштиану Роналду 2023 йилда энг кўп даромад қилган спортчи бўлди. Бу ҳақда “Sportico” журнали маълум қилди.

Журнал 2023 йилда энг кўп маош олувчи 100 нафар спортчи рейтингини тузиб чиқди. 1-ўринни 275 миллион евро даромад билан “Ал-Наср” ҳужумчиси эгаллаган бўлса, яна бир афсона Лионель Месси эса 130 миллион евро билан 3-поғонани банд этган.

Рейтинг:

1. Криштиану Роналду (футбол) – 275 миллион евро (215+60);

2. Жон Рам (гольф) – 203 миллион евро (181+22);

3. Лионель Месси (футбол) – 130 миллион евро (65+65);

4. ЛеБрон Жеймс (баскетбол) – 125,7 миллион евро (45,7+80);

5. Килиан Мбаппе (футбол) – 125 миллион евро (100+25);

6. Неймар (футбол) – 121 миллион евро (86+35);

7. Стивен Карри (баскетбол) – 98,9 миллион евро (48,9+50);

8. Жаннис Антетокунмпо (баскетбол) – 88,4 миллион евро (43,4+45);

9. Кевин Дюрант (баскетбол) – 86,9 миллион евро (44,9+42);

10. Патрик Маҳомес (Америка футболи) – 84,3 миллион евро (59,3+25);

Юзталикка баскетболчилар (40 киши), кейинги ўринларда футболчилар (16) ва бейсболчилар (13) кирган. Шунингдек, рейтингдан Америка футболи вакиллари (11), гольфчилар (10), боксчилар (6), пойгачи ва теннисчилар (2) ўрин олган.