“Реал” ЕЧЛда янги рекорд ўрнатди

Мадриднинг “Реал” клуби Европа Чемпионлар лигаси тарихида чорак финалга чиқиш бўйича рекорд ўрнатди. Бу ҳақда футбол журналисти Педро Мартин Х саҳифасида маълум қилди.

Манбага кўра, “Реал”гача турнир тарихида ҳеч қайси жамоа 40 марта чорак финалга чиқа олмаган. “Қаймоқранглилар” кетма-кет беш мавсумдан бери нимчорак финални бой бермаяпти. Бу вақт ичида улар икки марта турнир ғолиби бўлди.

Қайд этиш жоиз, бу кўрсаткич бўйича Мюнхеннинг “Бавария” клуби асосий еврокубок турнирининг чорак финалида 34 та ўйин ўтказган ҳолда 2-ўринда бормоқда. 3-ўрин эса “Барселона”га насиб этди (24).

“Реал Мадрид” Европа Чемпионлар лигасининг 1/8 финалида “Атлетико”ни икки ўйиндан иборат қарама-қаршилик натижасига кўра пенальтилар сериясида мағлуб этди. Биринчи ўйинда Карло Анчелотти шогирдлари 2:1 ҳисобида зафар қучган бўлса, жавоб ўйинида “матрасчилар” 1:0 ҳисобида устун келди, аммо пенальтилар cериzсида “қироллик клуби” омадлироқ чиқди – 4:2. “Реал” чорак финалда “Арсенал” билан ўйнайди.