“Реал” ЕЧЛ финалига чиқади – Анчелотти

Италиялик мутахассис Карло Анчелотти ”Реал” Европа Чемпионлар лигаси (ЕЧЛ) финалига чиқишига ишонмоқда. Бу ҳақда мураббий журналист Алберто Черутти билан суҳбатда айтиб ўтди.

Мадрид клуби Европа Чемпионлар лигасининг 5-тури доирасидаги ўйинда “Ливерпуль”га имкониятни бой берди (0:2).

Испания клуби ушбу мавсумда турнирда ўтказган 5 ўйиннинг 3 тасида мағлуб бўлди ва турнир жадвалининг 24-ўринни эгаллаб турибди. Бу ўрин “қироллик клуби”га охирги плей-офф йўлланмасини тақдим этади, энг яхши 8 та жамоа эса тўғридан тўғри чорак финалга йўлланма олади.

Черрутти “Cadena SER” телеканалидаги “El Larguero” дастурида Англиядаги ўйиндан сўнг италиялик мураббий билан гаплашганини айтди.

“Унинг энг яхши фазилати бу хотиржамлик. Мен у билан гаплашдим. У мендан “Реал Мадрид” Мюнхендаги Европа Чемпионлар лигаси финалида ўйнашини ҳаммага айтишимни сўради”, дейди Черрутти.

Маълумот учун, “Реал” ЕЧЛнинг амалдаги ғолиби ҳисобланади. Ҳозирча янгиланган форматдаги мусобақада “қаймоқранглилар”нинг ишлари юришмаяпти. Мусобақанинг қолган 3 та турида “Реал” “Аталанта”, “Зальцбург” ва “Брест” каби жамоалар билан тўқнаш келади.