“Реал” вингери учун ПСЖ ҳам курашга қўшилди
Спорт
−
25 Январь 3062
ПСЖ Мадриднинг “Реал” клуби футболчиси Родригони сотиб олмоқчи. Бу ҳақда инсайдер Абдуллоҳ Булма ўз Х саҳифасида маълум қилди.
Манбага кўра, парижликлар ёзги трансферлар ойнасида “қироллик клуби” вингери Родриго Гоэсни сотиб олишга ҳаракат қилади. Родригонинг келишини мураббий Луис Энрике ва клуб раҳбарияти хоҳламоқда.
Маълумот ўрнида, бразилиялик футболчи “Реал Мадрид” таркибига 2019 йилда келиб қўшилган ва амалдаги шартномаси 2028 йилга қадар мўлжалланган. 24 ёшли вингер жорий мавсум клуб сафида барча мусобақаларда 26 та ўйинда майдонга тушиб, 10 та гол урди ва 6 та ассист қайд этди. Родригонинг нархи “Transfermarkt” порталида 100 миллион еврога баҳоланган.
